فوازير أنا مين , فوازير مسيحية , فوازير جديدة , فوازير دينية , مسابقات مسيحية
+ أنا كنت طفل صغير بشتغل راعى غنم
وكنت بحب ربنا وأصلى بالقيثارة أحلى نغم
وكبرت وبقيت ملك عرفتونى؟ مين قال نعم ؟
داود النبى
+قال عليا يسوع أعظم مواليد النساء
جراد وعسل البرية كان ليا غذاء
أنا جيت قبل يسوع أجهز الناس للفداء
وشغلى كان فى النهر أصل شغلى لازم ماء
يوحنا المعمدان
+كان ليا 11 أخ ..عملولى فى يوم فخ
باعونى وخدوا القميص
غرقوه فى دم التيس
وقالوا لبابا ..ابنك مات خلاويص
وأنا فى مصر كنت حريص
أفسر أحلام وكوابيس
ربنا كان معايا وخلانى..وزير ورئيس
يوسف الصديق
+أنا واحد من تلاميذ المسيح
فرحت بكلامه ووشه المريح
لكنى ضعفت وماكنتش صريح
انكرته قلت ماعرفوش قبل ماالديك يصيح
بطرس الرسول
+ربنا نادانى وماسمعتش الصوت
وقررت أهرب ومن قدامه أفوت
رمونى فى البحر وكنت هموت
لكن ربنا باعتلى وانقذنى حوت
يونان النبى
+بيقولوا عليا الحبيب
أصل من يسوع كنت قريب
كنت واقف تحت الصليب
وصانى على أمه عمرى ليها ماأسيب
يوحنا الحبيب
+أنا شجرة من أشجار الجنة
بصلى هتلاقى ماتتمنى
وطعمى جميل كل واتهنى
لكن أكلى منعه الهنا
شجرة معرفة الخير والشر
+سنى 12 سنة يدوب
لكن يسوع ليا المحبوب
عذبنى ملوك قاسيين القلوب
يبقى أنا أسمى........
الشهيد أبانوب
+أنا كنت من الشجعان
أمير فى جيش الرومان
قلبى بحب يسوع مليان
اتعذبت عشانه سبع سنين زمان
وصورتى تلاقينى راكب على حصان
مارجرجس
+انا خليفة مارمرقس
وشفيعى كان مارمينا
وليكوا تملى بحرس
وأصليلكم عند فادينا
البابا كيرلس
0 التعليقات
